vanaand
in my hartland
in my Boland
staan die eike
van geregtigheid
die bome
van versoening
lowergroen
arms omhoog
hande uitgestrek
om sag ‘n seën
oor ons af te bid
en te sing uit volle bors
vir die blou lug
vir die donker nag
vir die somersterre
wat stil in die hemel hang
sing ou liedere
sing nuwe liedere
vrolik
vol vreugde
vol heimwee
vol verlange –
die verlede
is half vergete
bykans vergewe
en al wat oorbly
is ‘n ou droom
steeds onvervuld
hardnekkige hoop
en nuwe vergesigte
van wat moontlik is
van wat kan wees
as ons harte hande vat
as ons omgee
as ons kies om te help
en ons die pad
van die toekoms
vreesloos
veerkragtig
saam loop
Related Posts
die bome luister
die werf is oud die akkerbome is ouer – krom ou manne luister aandagtig geduldig na die musiek met takke groen hemelwaarts uitgestrek – effens wiegend – ritmies op die maat hulle ken musiek ontvanklik luister hulle al lank na die seisoene se simfonie – wind se weemoedige wysies son se koperblasers reën se slagwerk […]
L’art Poétique-digkompetisie se poësiepryse bekend
Die wenners van die gesogte L’art Poétique-digkompetisie is in Kaapstad bekendgemaak. Dié kompetisie is vir die eerste keer in 2019 toegeken en na Ingrid Jonker vernoem vir haar bydrae tot letterkunde asook haar veg vir menseregte. Zalman S. Davis het dié kompetisie om eie houtjie in 2019 gestig met die hoop om digters ’n platform […]